شنو هاي نفس السؤال رجع لي


هاي السنة صار هذا الموقف كووومة

مرة جنت طاير (يعني دا اركض) هههه
متأخر عن امتحان كان بادي بالفرصة قبل الدرس ،، مو العب ركيضان يعني هههه
المهم وصلت لتقاطع مزدحم بس ما وقفت لأن التقاطع متروس طلاب رابع وخامس
يعني ادفعهم لو اصيح من بعيد همه يوخرون هههه والله هالمرة جان يطلع مدرس
خطيه جايينه تطبيق اني طلعت بيه كبل وضربته كلـّه وجان بيده اوراق كلهن تطشرن

ومرة جنت واصل للمدرسة متأخر ورة الثمانية ونص، يعني شويه والدرس يخلص
طبيت للمدرسة (من الباب الخلفي وهو مغلق طبعاً) وبيدي خوذه واررركض للصف
جنت اركض بموازاة الحايط حته لحد يحس عليه وماحس الا والمدير طلع من واحد
من الصفوف وصار حادث اليم خطيه لطمته بالخوذه هههههه بس المدير حباب شافني
متأخر كلي يلا روح لصفك. بس حجي بيناتنه الخوذه انفطرت من ذاك اليوم ههههههه

ومرة اذكر كنا انا ومجموعة طلاب ورة المغاسل (قاعة المدخنين هههه) والمعاون بين فترة وفترة يجي هنا حته يلكف الطلاب منو يدخن ومنو مطلع موبايله ووو...
المهم الطلاب يخلون واحد حرس حته اذا اجه المدرس او المعاون ينطي اخبارية حته الطلاب ينهزمون من الجهة الثانية،
شوية واجتي الاخبارية يابه المعاون اجه اشلعوووو،، انا شلعت بس مادري منين ديجي المعاون
والله اخذ اتجاه عامي شامي وافلت (طبعا ركض) وجان يطلع المدير ووياه مشرف من الجهة الثانية ديمدح بالمدرسة ويكول شلون مدرسة هادئة،،
المدير شافني كام يهز بيده عباله العب ركيضان ههههه
طبعا انا ماكنت ادخن بس كنت انقل ملفات من جهاز صديقي خخخخ


البعدي
كم مرة صحت للمدرس او المعاون بإسمه الاول يعني حتى بدون استاذ او ست
كدام المدرس نفسه او كدام مدرس ثاني بدون قصد؟

ههههههههههه انفطر راس الولد همين؟ لو بس الخوذه؟

ولا مره لان اني خوّافه ماسويهه عيب خخخخخ

نفسه للبعدي والله مابيه حيل شكلنه بس احنه نسأل و نرد خخخخخ

يا ولد؟ المدير طلعلي صفح ياريته ولد هههه


هم السؤال رجعلي
بالايام الاخيرة للسنة (هاي السنة) كنا نروح للمدرسة ناخذ رياضيات وفيزيه وكيميه ونرجع للبيت
قاعه الرياضيات يم قاعة الانكليزي .. طبعا طول السنة ناخذ درس بالصف وآآخر السنة كمنه ناخذ الدرس بيها ههههه
المهم كان مدرس الانكليزي ديروح لقاعته واحنا منتظرين ابو الرياضيات
ابو الرياضيات اسمه ميثم.. فشفت مدرس الانكليزي وكلت له "استاذ مشفت ميثم؟؟"
هذا ضل صافن .. بعدين عدلتها بسرعه قلت قصدي ابو الرياضيات..
بس مافلتت منها، وبسببها سمعت محاضرة كاملة عن وجوب احترام المدرس...

ومرة رحت للادارة باحثا عن ابو الرياضيات نفسه.. تبين انه غائب اليوم
طلعت من الادارة وبصوت عالي قليلا كلت "غايب ميثومي" واذا بالمعاون ورايه وسمعني
بعدين كال لي منو ميثومي؟ [ندعوك للتسجيل في المنتدى أو التعريف بنفسك لمعاينة هذه الصورة] بس مرت سلامات


سؤالي اللي هم راح يرجعلي ، هع
كم مرة سألك مدرس سؤال وتجاوبه جواب يدل على انك مو يم الدرس؟
وما هذا السؤال؟

هههههههههههههههههههههههههههههههه

والله احنى الشباب سوالفنة متشابهة
بثالث بااربعين يوم مال المراجعة فتحولنة دورات بالمدرسة فخلو الولد والبنات سوة
فصاحبتي كانت موجودة معنى
اني كنت مو يم الدرس كنت اباوع عليهة

اجتي ام الرياضيات
سألتني علة الدائرة جوبتهة بالجذرة
جان تكول شتعل ابوية
اني وين وانتة وين
بس كلي ياهية صاحبتك
كتلهة لا ست مو اني اساساً لح اترك الهندسة اذا اجتنة
قالت ليش قلتلهة لان ضابط الجبر
قالت متاكد
قلتلهة اي
عاد نطتني سؤال حليتة



ومرة بدرس الفيزياء
هم صارت
سألتني عن العتلات
جاوبت بغير موضوع قالت صفكولة
قلتلهم الي يصفك
اضرطة كتل
قالت شنو ماخذ خاوة عليهم
كتلهة شعبالج لعد
كالت لعد كوم اطلع برة
عاندت ومطلعت
واخرشي قشمرتة بجم كلمة وضليت

يلة اني هم اعيد نفس السؤال على الي بعدي

ههههههههه حلوة
عرفت السؤال راح يرجعلي هع هع


اني مرة بدرس الاحياء جنت اسولف ويه الكاعد بصفي
والمدرس جان يحجي بأعضاء الموازنة بالانسان
الى ان وصل لـ(حصاة الموازنة) الموجودة بالانسان وهو ويشرح جان يشوفني اسولف
كال اي مصطفى حصاة الموازنة وين موجودة؟؟ يعني قصده بأي عضو من الانسان
اني بعد صفنة كلت له استاذ بسرطان البحر؟؟
جان يكول لي اطلع بره

ومرة بالثالث متوسط اذكر ابو الرياضيات جان ديحجي عن الطلاب شلون تصعد بالواسطات
بعدين كال هسه الطلاب تلاث ارباعهم ميعرفون جدول الضرب وجان يباوعلي اني اصلا بالي مو يمه
جان يأشر عليّه وكال لي "كوم ابني بسرعه"
اني اخترعت عبالي راح يدزني للادارة
بعدها كال لي ابني 7 في 8 شكد يساوي
اني بعدني جنت مخروع.. كلت له استاذ 49 ؟
هههههه



نفس السؤال للبعدي

هههههههههههههههههههههههههههههه
اني جاوبت علية
اني اعيدة للي بعدي

هههههههههههههههه قويه

بعدين الجواب يوصلكم خخخ

هههههههههههههههههههههههههههه
العبي غيرهة اني اعيدة للي بعدي
لان مابية حيل افكر بسؤال ثاني

نجمة قبل كلشي انيس اسف مكنت اقصد شي بتعليقي بس
شبجت عندي


وبنسبة لسؤالك
كثير هربت
ولا مرة انلزمت
بس مرة
بلغو عني وتاني يوم تحاسسبت
بس الي بلغ عني
انكتل بيومهة ومسحت الشعبة بي

هاي السنة درس الاحياء، ولا مرة اجيت متأخر وقبل ادخل الدرس
طبعا اني ووياي امير العشاق والامير الغامض هم كوووووومة مداخلين الدرس بهاي السنة خخخ خاصة اذا كانت الدرس الاول
ومرة تأخرت بدرس الكيمياء بسبب لفة تأخرت بأكلها بالحانوت هههه


نفس السؤال للبعدي

بس مره وحده بالثالث متوسط و بعد ما عدتهه كَلت التوبه اطلع من الصف بعد خخخخخ دورولكم فد سؤال بعد ههههه

لؤلؤة وين السؤال

نسيته اهئ

دجيبي وفضيهة

هههههههههه ليش تضوجون بسرعه ها؟

يابا دجيبي السؤال وفضيهة

كم مره تزاعلت ويه صاحبتك وجهاً لوجه وبده الصياح؟

اوووووووووووووووووو
خير من الله
يومية
والعصر نطلع سوة


الي بعدي
هل مرة ضربت مدرس او مدرسة

لا يمه لا اني ما اتقرب من هيج اشخاص اخاف

كم مره انحرجت كَبال مدرِّس بنص الدرس؟ وشنوه جان الموقف؟

هههههههههههههههههههههه
مرة وحدة او ثنين

بس اذكر الاخيرة بس
اعطانة سؤال وثاني يوم نحلة
السؤال طلع بي غلط
قلتلة ستاد السؤال غلط
قال لا قلتلة تاكد
طلع اني كاتب رقم غلط

بس عادي مشت لان اني هواي اسألة منبهة عليهة غلط


الي بعدي كم مرة
عثرت ووكعت بالشارع وشنو كان موقفك