السلام عليكم
كيف الحال شباب
انشاء الله زينين
شوفوا هاي التحشيشه الخنفشاريه



حبيبي يالعطر خدك ورد ياس
متفائل أجي ليمك وارد ياس (يائس)
يسئلونيdo u love himواردyes
لانهوه فقط يسأل عليه



أحب عيونك أنته وأحب الـhair
دومي باقي يمك دوميhere
احجي شما ردت كلي انيhear
بسلا تكلي احبك لان يغمى عليه



yearعلى الصبر مكدر ولاweek
ولا اكدر يالمدلل بإيدي الاويك
شديد انته يا كاتلني واناweak
عيب عليك تتفرعن عليه

أنا اللا كَمر يضويلي و لاsun
ولا دوتر بقت عندي و لا son
كبرت ولا رحى ضلن و لا سن
محبوبي بليز لا تزعل عليه



بحبنه عالكَلب ندوس وندوس
أيام جنه نسولف من وره الwindows
وهسه بالحاسبه نشتغلwindows
وجرص من ماجاوبك تدك عليه


راح اتخبل بلياك لو جن
مدري اشرب عرك بالليل لو جن
فدوه افتح الايميل وسويlog in
ودزلك مسج لا تبخل عليه



أتعذب لو سمعت العود والناي
ويوصل عكب سابع جار وناي
اخذ عين وكلب واتركلي one eye
حتى ابجي اذا تزعل عليه

حبيبي لا كمرمثله ولاsun
بواريه عذبن حالي ولاصن
منه ما ردت خلفه ولاson
ساعه من الشهر بس ردته ليه

مساره مو عدل وياي بيه ميل
ومن غدره بعد ما اثق بأيmale
قشمرني قبل سنتين ودزليemail
بغرفة دردشه تعرف عليه







تلالي مثل چيس ابيض ولكشاف
وعونه الكحّل عيونه والك شاف
الك مبسم يفت روحي والكشاف
مرج بحرين وتلاگن سويه



شكثر حاچيت گلبي وعظ عضيته
وصبعي من الندامه عظ عضيته
طمعت بشفاف ولفي وعظعضيته
موطا بحلگ جاهل صفتهيه



أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مسبيه
روحه بشفتچ وذابن سويه







مزنجر قفل گلبي عليك شفتك
تبريّد حيلي والله بيومشفتك
سبحان الرسم علوجه شفتك
الحلاه خلاها الك والضيم اليه



حبيبي من حلاها مره شفتك
وبعد عطشان يا سمر من رشفتك
لون فد يوم تصدف مره شفتك
جدك ما يخلصك من اديه



عليل شكثر گلبي بس تشافه
على الجسمه يلالي بس تشافه
بحلم غافلت ولفي وبست أشافه
أنتبهت الروحي أمص بچفوف أديه



أصد لبعيد أعاين شفته لاله
على الفانوس وجهه وشفته لاله
أهيس وسط شفتي شفته.... لالاورد
جوري أضن موشفه هيه



تهشم راس گلبي بيه هشم بيك
أخباري ماتسرك بيها شنبيك
ثغر شفتك حبيبي بيها أشمبيك
ريحة خوخ فاتح للشهيه



أحملت غصبن عليه جور أبيها
ودنيتي شكثر شايف جوربيها
الباري بشفته خلّه جوري بيها
لأن كلما اشمها تفوح هيه



بالحر والصحابه أقسمت مع جون
گلبي ويالهموم العلي ّمعجون
طماطه شفافچ الحلوات...معجون؟؟؟!
الزمتهن صارت الحمره بديه



شفافك هذن يمدلل يلا تين
شكر طعّمهن الباري يل اتين
لاعد عرب موجوده يو لاتين
گالوا عد حواري العين هيه



بحر نار آنه وانته يم شفاهي
وأنا بدوني حبيبي يمشي فاهي
لون دنيت شفتك يم شفاهي
أموت وعمري صاير ثلثميه



شتظن هم يوم الكه روحي تامن لك
جزعت بس روحي ما تگدر تملك
أذا مايوم صح منك تملك
حواسم لااخذ الشفه اليه







وحق الوضع للعالم قبلتين
خدك عسل وشفافك قبلتين
تدري لو خذت منهن قبلتين
اكول الله رضه توه عليه







شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه






الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه



تحياتي لكم