أبوذيات

	العنوان:		منتديات بين النهرين :: المنتديات الثقافية :: منتدى الشعر العربي	شارك

أبوذيات

	الموضوع

القلب الشجاع

ألمهنة : طالب
الجنسية : عراقي لحد الموت

أبوذيات

الخميس 25 مارس 2010 - 5:30

ألابوذيـــــــــــــات
* * * * * * * * * * * * * *
*جيتك يل احس انك وناسي
ولجلك عفت كل ربعي وناسي
لكيتك شو تحب غيري وناسي
لكلب يهواك ما حطلك اذيه .
_ _ _ _ _ _ _ _ _ _ _
عقد ياقوت ذرعانك وفضه على المخلوق طش حسنك وفضه
حسابي وياك أريد اكعد وفضه
وأحجي اللي علي والمو عليه
* * * * * * * * * *
زينب كل جبل شامخ رسلهه/
جدهه المصطفى خاتم رسلهه/
رسالة وفوك شلالي رسلهه/
لأخت عباس سبع الغاضريه .
* * * * * * * * * *
متى تبوس الشفايف ثغر ورداك
ومتى تشرب بلاية خوف ورداك
متى أللمسة تصير أرداي ورداك
ومتى نغفة على وسادة سوية .
* * * * * * * * * *
شخلص يافرح وشوكت شفتك/
وتطوكت بغرامك حين شفتك/
مريض انه ودواي بطرف شفتك
تصل لشفاي رشفه من المنيه .
* * * * * * * * * *
روى الزيتون من دمعي ولاراك
لغيرك مانحل جسمي ولاراك
أخاف أطول غيبتكم ولاراك
وكبل وصلك تبادرني المنيه . ********
أنا الصياد صادتني شبكتك/
دخيل الله شكثر حلوه شبكتك/
ادك اعليك مشغوله شبكتك/
اظن مغلق جهازك بس عليه .
%%%%%%
صرت دم المشه بداخل وريدك/
ومثل متريد مشيني وريدك/
فراكك حيل مرمرني وريدك/
على اجروحي تدوس بلا خطيه .
@ @ @ @ @ @
مرضت انه وصعد مرضي علشفاي/
وطب لندن فلا يلحك علشفاي /
حبيبي من تحط شفتك علشفاي/
أطيب وكل مرض مايبقى بيه .
@@@@؟@@@@؟
جفيتوا وعيني ماضنهه تراكم/
أسى وعتاب انه بصدري تراكم/
الحزن من شالوا احبابي تراكم/
بسبب جتالة فركتهم عليه .
@@@؟@@@؟@@@؟
ضلوعي والحدرهن يالمني/
وأظن عكلي يصاحب يالمني/
على عيني سطرني يلمني/
غريب اشلون مايشتمت بيه .
@@@@@؟!@@@@@
جروحي بروحي يخفن من يراهن/
اعيوني وعمت الكم من يراهن/
بعد يومين اموتن من يراهن/
اذا ما متت عود أعتب عليه .
@@@@@@@@@
شمالك بيه مافد يوم حسيت/
وأحس جرحك بماي العين حسيت/
تدري بيوم عني ارحلت حسيت/
العمر وي روحتك راح من اديه .
@@@@@@@@@@@
ببعدك صرت انه أشبه خرابه/
وأحس بيتي على وحشه خرابه/
يوم أليكضي من دونك خره بيه/
الموت أهون ولا بعدك عليه .
@@@@@@@@@@@
مفارك والليالي سنين مرن/
وعلي صاير لذيذ الزاد مرن/
طفر كلبي على النقال من رن/
لان حسيت روحي تدك عليه .
@@@@@@@@@@@
شفتك كمت ما اشوفن ولاحد/
خريطه عليك متكظني ولاحد/
بمماتك انه ما ابجي ولاحد/
لأن وياك تاخذني المنيه .
@@@@@@@@@@@
شفكن من هواكم بعد شفتك/
وعلى طفر عسل من حجت شفتك/
طحت للكاع والله بيوم شفتك/
دكظني مو طحت كلي عليه .
@@@@@@@@@@@
تعال احسب بهمي عده انته/
وكلبي شعده غيرك عده انته/
ازعل الناس كلهه عده انته/
لأن زعلك يزعلني عليه .
@@@@@@@@@@@@
دحوك بثوب حسنك ونسجنه/
بجهنم حبك ارضى ونسجنه/
انحبسنه بقفص عينك ونسجنه/
وتحط رمشك كلبجات بأديه .
@@@@@@@@@@@@
جثير الهم على كلبي تراكم/
وكسيتو وياي ياحبابي تراكم/
تود العين كل لحظه تراكم/
ولو بالطيف مرتكم عليه .
@@@@@@@@@@@@
الليالي بنص وحلهن مره غني/
مره ابجي اعله حالي مره اغني/
رغلت موت وكتي مره غني
تعهد مايظل ينگاد بيه
@@@@@@@@@@@ جمال وجان عندك كله فتنه/
واجب رغم حجيك كله فتنه/
تدري شكد فرگتك كلفتنه/
مثل الراح دفان بأخيه .
@@@@@@@@@@@
عليش وياي تسري مسرحيه/
ولا فد يوم جفك مسرحيه/
بغيابك حالي صاير مسرحيه/
بلاش الناس تتفرج عليه .
@@@@@@@@@@@@
سهام ألولع صابني وفاتن/
لأن ولفي الأحبه اسمر وفاتن
/هجرك سبب لروحي وفاتين/
السمع والشوف موتهن سويه .
@@@@@@@@@@@@
هجم حبك على سنيني وغزلها *
وروحي بمغزل الحسرة غزلها *
القصايد بس إلك يحلة غزلها *
شعجب صاير ولا ترسل اليه

_ _ _ _ _ _ _ _ _ _ _
يغايب عود لديارك ولك رد لان تدري الكلب حبك ولك رد بني مالج حكومتنا والاكراد دخيلك ياعلي بهاي القظيه

_ _ _ _ _ _ _ _ _ _ _
صارلي سنين احبك و انت جاري
هلي منعوني وصلك و انت جاري
الناس ورود خدها و انت جوري
واخاف عليك تذبل بين ايدية .

_ _ _ _ _ _ _ _ _ _ _
صرت بستان وصطه هو وردته...
يريحة هيل يامسجه وردته.....
أنه ماردت ألعمر كله وردته......
يداوي أجروح دلالي ألخفيه

عدل سابقا من قبل نجمة فيـ سماك في الجمعة 26 مارس 2010 - 16:53 عدل 1 مرات (السبب : تعديل التنسيقات)

قطر الندى