لانك ملك ,,(جديد),,

	العنوان:		منتديات بين النهرين :: المنتديات الثقافية :: منتدى الشعر العربي	شارك

لانك ملك ,,(جديد),,

	الموضوع

خادم الائمه

ألمهنة : ؟؟؟؟؟؟؟؟
الجنسية : عراقي
الاوسمة

لانك ملك ,,(جديد),,

الأحد 17 أكتوبر 2010 - 16:31

مكطوع النحر يا مرعب الطاغوت

من هولك ترادت صفحة الردده

لو ميت صدك ما دنوا يمك دوم

بس لننك ملك عددولك العدده

ملك ما طاح من وججر عليه الموت

جتتاله بنزف نحره انذبح عنده

يسمونه البحر زلم الشعر والكول

وانه ادري الكواكب كطره من مدده

يا رفجة غريب وللدرب نيشان

يا خوه وصديج ووالد وابده

الك مثل البلابل بالديار كلوب

وبنشكة عطورك تنتهي وتبده

يا دلــــلة معالي ومشرب الطيبين

يا جاري ونبع من يعبر السدده

الك بس انته كل هذه الفخر والزود

يا مجد ؟ المجد مننك اخذ مجده

اكول وخل تعتني الما تعرف تكول

وانه ادري الفعل ما ينتصر وحده

هجم بيت العليهن عميه هاي الناس

لا صحوه تصحح ولا تصح ردده

شجاكم عالكلافه وهننه ست عكود

اذا كلنه البشر يورث عمر(ل) جدده

سمعته يكول باجر والعمر مضمون

هممك عالعشا ومن كال تتغده

يكرراط الليالي وشده بيك البال

بين الوججرن واليككه والشدده

اذا يممك نهر حط عينك على الماي

هم تلكه مصد للروج ويصدده

مسربه الوادم على الموت وانته تشوف

من رجلك تدوس الواطيه تهدده

مالك تيهت دربك يبن حواء

لو كبلك حضنهن واحد بلحده ؟

اذا طالب وجاهه وواجهه وعنوان

اكصد عالتعففر بالخضب خدده

نصر بالدنيه وهناك الدلال اشكال

عند الما يضييع للنصح وحده

يمحرب عالكصيره الما سعدهه يدوم

وانفاسك عدد كض عزمك وردده

وعلى هضم الطفوف بزود حيدر غير

من جور الغمد سل سيفك وجرده

الك بالجلمه جننه وبالسطر جننات

عند الباري مثلك يفرح بورده

من النحروا ولدهه بكربلا اخذ الحيل

عزمك جافل اخت المحسن يسنده

من النحرو ولدهه بكربلا اخذ الحيل

عزمك جافل اخت المحسن يسنده

نجمة فيـ سماك